Rita Ora, ambasadore e UNICEF-it në Britani të Madhe

20:51 | 11 Maj 2019

Këngëtarja e njohur kosovare, Rita Ora u caktua ambasadore e UNICEF-it në Britani të Madhe.

Lajmin e bëri të ditur vetë këngëtarja përmes një shkrimi në instagram Rita ceku edhe vizitën e saj të fundit në Kosovë, me ç’rast u shpreh se ka parë punën e mrekullueshme të UNICEF-it në vendin e origjinës së saj.

“Jam mëse e nderuar të ndaj me ju që jam caktuar Ambasadore e UNICEF-it në Britaninë e Madhe. Që nga viti 2013 kam mësuar shumë për Unicef-in dhe punën e mrekullueshme që ata bëjnë për të arritur një ndryshim pozitiv për fëmijët e të ardhmës sonë. Udhëtimi im i fundit në Kosovë më lejoi që të shoh punën e mrekullueshme të Unicef-it në vendin tim të origjinës, dhe jam më e vendosur se kurrë që të përdor pozitën time që të mbështes, bëj fushatë dhe përkrah. Faleminderit Unicef_uk – kam mbetur pa fjalë!!!!! Ndalesa e radhës – ndihmesa futbollit! Bleni tiketat tani që të shihni përformancën time ekskluzive gjatë pushimit të pjesëve – linku në përshkrim!”, shkroi Rita, karahas imazhit të hedhur në Instagram.

Rita Ora përveç sukseseve të shumta në muzikë, së fundmi ka luajtur edhe rolin e aktores. Rita luan në filmin që dje është publikuar ‘Detective Pikachu’. Ndryshe, 28 vjeçarja para disa javësh ka publikuar projektin e ri muzikor “Carry On”, në bashkëpunim me Kygo. Kënga është kolonë zanore e filmit “Pokémon: Detective Pikachu”.

Shpërndaje në rrjete sociale

Lajmet më të lexuara