Nuk është Elvana Gjata – Zbulohet këngëtarja shqiptare që do përfaqësojë San Marinon në Eurovision

15:50 | 23 Janar 2020

Ditën e djeshme bëri namin në media e rrjete sociale lajmi se Elvana Gjata do përfaqësojë San Marinon në Eurovision. Lajmet u hodhën poshtë shpejt pasi burime të afërta me këngëtaren treguan për “Anabel”, se Elvana nuk ka marrë një ftesë dhe është habitur nga ky lajm. Mirëpo sot një tjetër emër po përflitet se do të përfaqësojë San Marinon.

Faqja “Eurobooth” në Instagram shkruan se një tjetër këngëtare shqiptare, Inisi Neziri mund të jetë përfaqësuesja e San Marino në Eurovision. Dhe për këtë lajm ka reaguar edhe vetë Inisi.

Sipas tyre dikush e ka pyetur Inisin mbi thashethemet nëse ajo do përfaqësojë San Marinon në Eurovizion dhe ajo është përgjigjur me një emoji konfuzues duke e lënë të hapur mundësinë që ky lajm të jetë i vërtetë.

Kujtojmë që Inisi u shpall fituese e festivalit “New Wave” në Rusi.

Shpërndaje në rrjete sociale

Lajmet më të lexuara