Kryetari i Bashkisë së Tiranës, Erion Veliaj do ta intervistojë Rita Orën

14:12 | 21 Nëntor 2020

Këngëtarja me prejardhje shqiptare, Rita Ora, çdo ditë e më shumë po merr vëmendje të audiencës.

Ajo përmes paraqitjeve unike, po grumbullon mijëra admirues, të cilët e përkrahin vazhdimisht, shkruan portali arbresh.info

Por, sot Rita do të intervistohet nga kryetari i Bashkisë së Tiranës, Erion Veliaj.

Konferenca e tretë virtuale “Diaspora Flet 2020”, që bëri bashkë shumë shqiptarë me popullaritet gjithandej botës, do të mbyllet me këtë intervistë.

Në këtë konferencë nuk do të jetë Rita e vetmja protagoniste. Dy sportistë të njohur, Robin Krasniqi dhe Lorik Cana, në një bisedë kampionësh do të flasin për sfidat dhe sukseset e tyre.

“Surpriza jonë për të gjithë ju: @ritaora dhe Kryetari i Bashkisë së Tiranës, @erionveliaj , sot në bashkëbisedim në përmbyllje të konferencës ‘Diaspora Flet 2020’. 🔥 E realizuar me shumë dashuri e përkushtim, ju ftojmë të na bashkoheni sot, prej 20:30 (CET)”, thuhet në njofitm.

Kujtojmë se Rita dhe Erioni ishin takuar dy vite më parë në Tiranë, ku artistja kishte ardhur për të mbajtur koncert. / arbresh.info/

Shpërndaje në rrjete sociale

Lajmet më të lexuara