Këngëtarja shqiptare përfundon në instagram-in e Dua Lipa-s

21:22 | 25 Qershor 2019

Festivali i madh ndërkombëtar i muzikës “Sunny Hill”, edhe këtë vit pritet të mbahet në parkun e kryeqytetit të Kosovës, Gërmi, me 2,3 dhe 4 gusht.

Emra të njohur të muzikës shqiptare dhe asaj botërore do të ngjiten në skenë ku pritet t’a ‘elektrizojnë’ publikun.

Një prej emrave që do të jetë i pranishëm është edhe këngëtari dhe Dj i famshëm Carvin Harris. Këtë lajm e ka konfirmuar edhe Dua Lipa e cila së bashku me të atin janë organizatorë të këtij eventi të rëndësishëm.

“Shumë e lumtur t’ju lajmëroj se Calvin Harris është njëri nga performuesit e Sunny Hill Festival, që do mbahet me 2,3 dhe 4 Gusht në Prishtinë. Programi i artistëve këtë vit është i çmendur dhe jam shumë e lumtur për të gjithë miqtë tanë që do të vijnë në Kosovë. Numërimi mbrapsht ka filluar”, ka shkruar Dua Lipa në Instagramin e saj.

Këngëtarët shqiptarë, të cilët nuk bëhen ziliqarë, por përkundrazi krenohen me suksesin e shqiptares jashtë vendit.
Një prej tyre është edhe Vesa Luma.

Kjo e fundit ka publikuar në ‘insta story’ videon e Calvin Harrris dhe përgëzon Duan për këtë gjë. E lumtur për përkrahjen e Vesës, Lipa e ka postuar në ’insta story’ dhe ka shkruar disa emoji zemra, mbi postimin që i dedikoi Luma. Madje këngëtaret e ndjekin njëra-tjetrën në Instagram./Arbresh.info/

Shpërndaje në rrjete sociale

Lajmet më të lexuara