Bebe Rexha premton publikisht: Do të rikthehem sërish në Shqipëri vitin e ardhshëm

21:57 | 6 Dhjetor 2019

Bebe Rexha dha intervistën e saj të parë në Shqipëri në emisionin “Lart e Poshtë”.

Rrugës për në aeroport, Bebe iu është përgjigjur të gjitha pyetjeve që gazetari kishte për të.

Gjatë bisedës, krijuesja e hitit “Monster” ka premtuar që do të rikthehet në Shqipëri për të parë se si po ecën ndërtimi i shtëpive për të prekurit e tërmetit.

“Do të rikthehem sërish. Ky është qëllimi im! Unë dua të kthehem pasi ato janë rindërtuar, por ato mund të marrin rreth 4-5 muaj për t’u rindërtuar! Unë do të kthehem në pranverë për t’i vizituar sërish”, – u shpreh Bebe Rexha.

Nga ana tjetër, ajo ka një lajm të mirë për të gjithë fansat e dashamirësit e saj: “Po punoj për albumin tim më të ri. Pas turneut promovues të albumit do të vij në Shqipëri sërish për të bërë një koncert!”

“Për të qenë më shumë e sinqertë, do të jetë diçka mes fundit të verës dhe vjeshtës së ardhshme!”, -tregoi këngëtarja shqiptare.

Kështu që, filloni kurseni sepse Bebe Rexha do të rikthehet!/rtsh/

Shpërndaje në rrjete sociale

Lajmet më të lexuara