Bebe Rexha ka një përgjigje për ata që e paragjykojnë lidhur me peshën

13:31 | 16 Shtator 2020

Bebe Rexha përmes një postimi iu përgjigjet gjithë atyre që e paragjykojnë rreth peshës.

Bebe Rexha për dallim prej viteve të tjera, kësaj radhe nuk ka qenë aktive me koncerte, për shkak të pandemisë COVID-19.

Pikërisht situata e krijuar nga pandemia, ka bërë që ajo të mos jetë aktive edhe me projekte muzikore, ani pse ka punuar vazhdimisht për to.

Këngëtarja kishte deklaruar se për shkak të kësaj situate, nuk e ka parë të duhur publikimin e ndonjë projekti të ri muzikor.

Por, Bebe vazhdon të jetë aktive në rrjete sociale, përmes së cilave i mban të informuar fansat për të rejat rreth saj si dhe diskuton për çështje nga më të ndryshmet.

Së fundi, ajo ndau një postim, i cili ka të bëjë me paragjykimet që bëhen lidhur me peshën dhe tregon se pajtohet plotësisht me të.

“Ndonjëherë pesha që duhet të humbni është pesha e mendimeve të të tjerëve për ju”, thuhet në atë postim./lajmi.net

Shpërndaje në rrjete sociale

Lajmet më të lexuara