SINDROMI DOWN

11:15 | 24 Mars 2015

Javën e kaluar me 21 mars u shënua përvjetori i dhjetë i Ditës Ndërkombëtare të Sindromit Down. Kjo ditë është zgjedhur qëllimisht për shkak të trisomisë (tre kromozome) së kromozomit 21. Fatmirësisht, çdo vit zëri i njerëzve të prekur me Sindromin Down, dhe zëri i personave që punojnë dhe jetojnë me këta njerëz, po rritet gjithnjë. Në Prishtinë, në mbrëmjen e mbajtur në Swiss Diamond Hotel u mblodhën donacione të konsiderueshme për ndërtimin e Qendrës së Fëmijëve të prekur me Sindromin Down dhe Autizëm.

DEFINICIONI

Sindromi Down shkaktohet nga ndarja abnormale e qelizave në fillim të zhvillimit të embrionit. Normalisht, një fëmijë trashëgon 46 kromozome, 23 nga babai dhe 23 nga nëna. Çdo kromozom mbart ADN, që quhen gjene, dhe të cilat tregojnë se si duhet të zhvillohen truri dhe trupi. Fetusi i prekur me Sindromin Down ka kromozome shtesë ose abnormale në çdo qelizë. Duke pasur kromozome abnormale ose shtesë ndryshohet mënyra e zhvillimit e trurit dhe trupit.

981432

SIMPTOMAT

Njerëzit e prekur me Sindromin Down kanë pamje të dallueshme të fytyrës. Edhe pse jo të gjithë personat të prekur me këtë sindrom kanë karakteristikat e njëjta, disa nga karakteristikat më të rëndomta janë:

  • Koka e vogël
  • Qafa e shkurtër
  • Gjatësia e shkurtër
  • Gjuhë më të spikatur (të nxjerrur jashtë)
  • Veshët e vegjël dhe me formë të çuditshme
  • Duart e shkurtra dhe të gjera
  • Gishtat relativisht të shkurtër
  • Sytë lart dhe të shtrembëruar
  • Ura e hundës që duket e rrafshuar, etj.

Rreziku i një nëne që të lind një foshnje me Sindromin Down është më i madh nëse kjo nënë është mbi 35 vjeç, ka pasur ose ka ndonjë motër ose vëlla të prekur me këtë sindrom, si dhe nëse kjo nënë ka ndonjë fëmijë tjetër që vuan nga kjo sëmundje.

Prandaj, të gjitha nënat që janë të interesuara ta dinë përqindjen e rrezikut për beben e tyre, ato gjatë shtatzënisë mund t’iu nënshtrohen testeve për të kuptuar nëse foshnja e tyre është e prekur nga ky sindrom. Dy llojet e testeve më të zakonshme janë të cekura më poshtë:

  • Screening Tests – këto lloje të testeve zakonisht bëhen gjatë trimestrit (tremujorit) të parë të shtatzënisë. Ato na tregojnë nëse fetusi është në rrezik të shfaqjes së Sindromit Down. Por, vlen të ceket se këto teste nuk janë gjithmonë të sakta. Ka raste kur rezultatet e testeve janë pozitive për këtë sindrom, mirëpo pas lindjes ne kemi një foshnje të shëndoshë.
  • Diagnostic Tests – zakonisht këto teste bëhen si pasojë e rezultateve abnormale dhe pozitive të Screening Tests.

TRAJTIMI (MJEKIMI)

Në momentet e para pas lindjes së një fëmije me Sindromin Down, prindërit dhe familja duhet të mësojnë më shumë rreth sëmundjes në mënyrë që ti ofrojnë kushte dhe kujdes të veçantë foshnjës së porsalindur. Foshnjat e lindura me këtë sindrom kanë një numër të madh ngecjesh fizike dhe mendore. Mesatarja e jetës për personat me Sindromin Down është mosha 60 vjeçare. Prandaj, prindërit ose kujdestarët e fëmijës udhëzohen që të caktojnë termine të rregullta mjekësore. Në këtë mënyrë ata mund ti pyesin mjekët e tyre për çdo gjë i shqetëson. /Përgatiti: Besa Maloku – arbresh.info/

Shpërndaje në rrjete sociale