Barnat popullore që trajtojnë venat e zgjeruara

07:04 | 18 Prill 2018

Përgjigjet Elida Mici, kirurge flebologe në Poliklinikën e Specialiteteve nr.3, Tiranë per websiten e specializuar Shendeti.

Venat varikoze janë zgjerime të qëndrueshme të venave sipërfaqësore të gjymtyrëve të poshtme, të shoqëruara nga dëmtimi i valvulave dhe rikthimi i gjakut venoz. Shkaku i vërtetë i kësaj patologjie nuk dihet, por ekzistojnë një sërë faktorësh favorizues, siç janë përdorimi i gjatë i barnave, trashëgimia, mbajtja e peshave të rënda, obeziteti, qëndrimet e gjata në këmbë, takat e larta, rripi i shtrënguar në mes etj. Komplikacionet më të shpeshta janë: dhimbje, lodhje të këmbëve, mpirje, mizerime, këmbë të rënda, temperaturë lokale, kruajtje mbi zonën e vakorizuar etj.

Variçet nuk hiqen me pomada në përbërjen e të cilave janë preparatet me korrigjime bimore (gështenja e egër, fletët e rrushit të kuq etj). Ato përmirësojnë klinikën e variçeve dhe qetësojnë dhimbjet por nuk i zhdukin ato.

Variçet kërkojnë ndërhyrje dhe metodat për trajtimin e insufiçenës së venave të varikozuara janë: kirurgjia, skleroterapia, lazeri dhe radiofrekuenca.

Shpërndaje në rrjete sociale

Lajmet më të lexuara