Zgjedhjet presidenciale në Maqedoninë e Veriut do të monitorohen nga gjithsej 3513 vëzhgues

15:01 | 17 Prill 2019

Zgjedhjet presidenciale në Maqedoninë e Veriut, të cilat do të mbahen më 21 prill do të vëzhgohen nga gjithsej 3513 vëzhgues, prej të cilëve 419 do të jenë ndërkombëtar, ndërsa 3094 vendor.

Nga vëzhguesit vendor më shumë do të ketë OJQ “Most”, e cila procesin zgjedhor do ta ndjek me gjithsej 1940 vëzhgues, ndërsa më shumë vëzhgues ndërkombëtar do të ketë Zyra e OSBE-së për Institucione Demokratike dhe të Drejtat e Njeriut (195), njofton Telegrafi Maqedoni.

Vëzhgues për votimin më 21 prill ka angazhuar edhe Ambasada e Shteteve të Bashkuara të Amerikës në Shkup, e cila zgjedhjet do të monitorojë me 42 vëzhgues.

Vëzhgues kanë angazhuar edhe disa ambasada tjera në vend, prej të cilave e Rusisë katër, e Francës 6, e Shqipërisë shtatë, ndërsa Delegacioni i BE-së ka angazhuar 16 vëzhgues.

Ndryshe, në garë për kryetar shteti janë Blerim Reka, Gordana Siljanovska-Davkovka dhe Stevo Pendarovski.

Lajmet më të lexuara