Ndërron jetë profesori Mahmud Hysa

11:43 | 18 Mars 2016

Ka ndërruar jetë sot, në Prishtinë, prof. dr. Mahmud Hysa, si pasojë e një ataku kardiak, njoftoi Instituti i Trashëgimisë Shpirtërore e Kulturore të Shqiptarëve në Shkup.
I lindur në Dibër të Maqedonisë, ai kreu studimet në Universitetin e Beogradit, dega e Albanologjisë.

Pas një pune disavjeçare në gjimnazin e Dibrës, ku kishte lindur, një kohë punoi në arsimin e Maqedonisë, e pastaj u zgjodh profesor në Universitetin e Prishtinës, në degën Letërsi e gjuhë shqipe.

Ai ishte një ndër profesorët e parë gjatë themelimit të Universitetit Shtetëror të Tetovës, ku ka ligjëruar historinë e letërsisë. Është autor i shumë librave dhe botimeve shkencore nga kjo fushë.

Profesori Hysa ishte aktiv me shkrimet e tij në shtypin ditor në Prishtinë dhe Shkup deri në ditët e fundit të jetës së tij.

Ishte fituesit e çmimit për vitin 2015 i Ministrisë së Kulturës të Maqedonisë.

Në Universitetin e Prishtinës për shumë vite ligjëroi historinë e letërsisë shqiptare. Është autor i një numri të madh veprash me rëndësi për historinë e letërsisë dhe të kulturës shqiptare.

Varrimi i prof. dr. Mahmut Hysës do të bëhet nesër në vendlindjen e tij, Dibër.

Shpërndaje në rrjete sociale