Koalicioni AA: Tashmë dy muaj s’ka ujë në fshatin Luboten

14:58 | 16 Shtator 2020

Koalicioni Aleanca për Shqiptarët dhe Alternativa thanë reaguan në lidhje me mungesën e ujit në çeshmat e fshatit Luboten.

“Ky nuk është lajm i ri, por është një dhimbje të vjetër, që vazhdon të mbetet aktuale për vite të tëra. Madje, përkundër premtimeve të kryetarit të Qytetit të Shkupit, Shilegov, dhe kryetarit të Komunës së Butelit, Smileski, zotime këto që ishin dhënë edhe me shkrim, sot në Luboten vazhdon të mos ketë ujë të pijshëm nëpër amvisëritë e fshatit”, thonë nga koalicioni AA, njofton Telegrafi Maqedoni.

Ata thonë si si këta pelikanë vitin e ardhshëm do të paraqiten në Luboten dhe se si do të kërkojnë vota sërish

“Me këtë rast nuk mund të mos kërkojmë edhe nga Bashkësia Lokale e f. Luboten që të deklarohet se ka qenë e lajthitur nga këta njerëz dhe të bashkohet në betejën tonë për ujë të pijshëm në Luboten. Uji nuk ka ngjyra politike dhe ne do të jemi në shërbim të lubotenasve dhe të gjithë qytetarëve të tjerë që kanë nevojë për ujë. Koalicioni Aleanca për Shqiptarët & Alternativa – dega Butel do të vazhdojë ta ndjekë këtë problem dhe të reagojë në institucionet ku është e përfaqësuar, ndërsa vitin tjetër të premtojë zgjidhje reale e pa pompozitet të këtij problemi. Për neve uji nuk duhet të këmbehet me votë. Ne e kemi detyrim që qytetarëve t’u mundësojmë kushte optimale për jetë pavarësisht përcaktimit të tyre politik dhe përkatësisë së tyre etnike a religjioze”, reagojnë nga koalicioni AA./Telegrafi/

Lajmet më të lexuara