Borissov: E mbështesim fillimin e negociatave me Maqedoninë e Veriut dhe Shqipërinë

20:35 | 9 Tetor 2019

Kryeministri bullgar Boyko Borissov është deklaruar në rrjetet sociale në lidhje me procesin euro-integrues të Maqedonisë së Veriut dhe Shqipërisë.

Ai shkruan se në mbledhjen e sotme qeveritare është sjellur vendim që Sofje të mbështesë fillimin e negociatave të Maqedonisë së Veriut dhe Shqipërisë me BE-në, përcjell Telegrafi Maqedoni.

“Bullgaria është e qëndrueshme në mbështetjen për perspektivën evropiane të vendeve nga Ballkani Perëndimor duke pasur parasysh se procesi i inkuadrimit është forcë shtytëse kyçe për reforma dhe stabilitet në rajon. Bullgaria e përshëndetë dhe mbështetë rekomandimin e KE-së për fillim të negociatave inkuadruese si me Republikën e Maqedonisë së Veriut, ashtu edhe me Shqipërinë. Në të njëtën kohë, Bullgaria nuk duhet të lejojë që integrimi i Republikës së Maqedonisë së veriut në BE të shoqërohet me legjitimimin evropian të ideologjisë anti-bullgare të sponsoruar nga shteti”, shkruan kryeministri bullgar.

Shpërndaje në rrjete sociale

Lajmet më të lexuara