Mos e leni anash vdekjen e dyshimtë të preshevarit Besnik Osmani, gjetur në territorin e Kosovës!

13:59 | 6 Maj 2020 | Shefik Surdulli

Mos e leni anash vdekjen e dyshimtë të preshevarit Besnik Osmani, gjetur në territorin e Kosovës!

Një ditë më vonë, pas vdekjes tragjike të të riut Agon Musliu, qytetarët e Gjilanit dhe ata të Preshevës, përjetuan një tjetër lajm të kobshëm e pikëllues: gjetja e trupit te pa jetë të Besnik Osmanit, bashkëkombës yni nga Presheva, në territorin e Komunës së Gjilanit.

Besniku ishte zhdukur që nga 24 marsi i këtij viti, kur kishte tentuar të kthehej nga Kosova, në vendlindjen e tij në Preshevë.

Sipas lajmeve të atëhershme në mediat tona, atij iu kishte ndaluar kthimi në Preshevë, në pikën kufitare mes Kosovës e Serbisë, në Muqibabë, me pretekstin e masave të pandemisë të Covid 19, dhe se, në përpjekje për të gjetur rrugë tjera për tu kthyer te familja e tij në Preshevë, Besnikut i humbet çdo gjurmë.

Vdekja e tij e cilësuar si e dyshimtë nga Prokuroria Themelore në Gjilan, më jep të drejtën morale si qytetar e bashkëkombës, aq më parë si përfaqësues i qytetarëve të komunës së Gjilanit, të kërkoj nga institucionet kompetente të Republikës së Kosovës, hetime për zbardhjen e rasti në tërësi, të rrethanave të vdekjes se Besnik Osmanit.

Besnik Osmani, ishte nga ata djemtë e shumtë që iu bashkua luftës për çlirimin e Kosovës Lindore.

Duke bashkëndjerë me familjen Osmani dhe bashkëkombësit luginës, atyre u shprehi ngushëllimet e mia të sinqerta për vdekjen e më të dashurit të tyre, Besnik Osmani!

Nga : Shefik Surdulli -këshilltar komunal në Gjilan

Fotografia e Shefik Surdulli

Shpërndaje në rrjete sociale

Lajmet më të lexuara