Koronavirusi po ushqen një krizë ekonomike që do t’i godasë gratë më rëndë

10:19 | 16 Maj 2020 | Lydia Smith

Përderisa një pjesë e madhe e njerëzve në botë, për shkak të izolimit, kanë kaluar javë të tëra të ndarë nga familja dhe miqtë, ideja se e gjithë bota po kalon nëpër këtë ‘stuhi’ është vetëm një ngushëllim.

Virusi madje është quajtur “barazues i shkëlqyeshëm” – do të thotë se nuk tregon respekt për faktorët si pushteti, autoriteti, kombësia ose raca. Por siç e dimë tani, nuk ka asgjë të barabartë në lidhje me numrin e shkaktuar nga kriza globale e shëndetit.

Kërkimet kanë treguar një divergjencë dramatike në ndikimin e pandemisë së koronavirusit. Njerëzit e zinj kanë më shumë se katër herë më shumë të ngjarë të vdesin nga Covid-19 në Mbretërinë e Bashkuar sesa njerëzit e bardhë, kanë treguar të dhënat zyrtare. Në të gjithë botë, Covid-19 ka marrë jetën e më shumë burrave sesa grave.

Por pandemia nuk është thjesht një krizë shëndetësore, por është edhe një çështje ekonomike. Miliona pritet të preken nga rënia ekonomike, por sipas statistikave këto pasoja pritet të prekin më shumë gratë sesa burrat.

Në recesionet e mëparshme, siç ishte kriza globale financiare në vitin 2008, burrat janë përballur me një rrezik më të madh të papunësisë sesa gratë. Kjoishte, pjesërisht, sepse sektorët që zakonisht luftojnë gjatë rënies, siç është ndërtimi, mbizotërohen nga burrat.

Këtë herë gjërat janë ndryshe. Mbylljet për të parandaluar përhapjen e koronavirusit kanë ndikuar në sektorë dhe industri të ndryshme siç është industria me pakicë dhe restorantet,  sektorë në të cilët kryesisht punojnë gratë.

Sipas Institutit për Studime Fiskale, gratë kanë një të tretën e gjasave që punojnë në sektorët që tani janë mbyllur. Një në gjashtë punonjës femra ishin në sektorë të tillë, krahasuar me një në shtatë burra.

Gratë gjithashtu kanë më shumë të ngjarë se burrat të punojnë në sektorë me pagë të ulët, sektorë të goditur nga kriza e pandemisë.

Në anën tjetër, më shumë gra sesa burra punojnë në infermieri dhe nëpër shtëpi të kujdesit shëndetësor, e cila është goditur së pari nga katastrofa e pandemisë. ratë përbëjnë shumicën e punëtorëve në sektorin e shëndetit dhe kujdesit shoqëror – rreth 70% në 104 vende të analizuara nga Organizata Botërore e Shëndetit (OBSH). Ata gjithashtu përballen me ngarkesën e shtuar të punës për kujdes të papaguar pasi, globalisht, gratë kryejnë 76.2% të orëve totale të punës së kujdesit pa pagesë, më shumë se tre herë më shumë sesa burrat. Në Azi dhe Paqësor, kjo shifër rritet në 80%.

Përderisa sistemi shëndetësor është duke u bërë shumë i vështirë, shumë njerëz me Covid-19 duhet të kujdesën në shtëpi, duke shtuar kështu ngarkesën e përgjithshme të grave, si dhe duke I vënë ato në rrezik të infeksionit.

Sipas shumë analistëve, gratë kanë më shumë gjasa të eksopozohen ndaj koronavirusit për shkak të punës që bëjnë. Puna e kujdesit është shumë e vështirë për të balancuar me punësimin me pagë dhe kështu ka të ngjarë që ne do të shohim më shumë gra të detyruara nga tregu i punës, veçanërisht në një kohë kur ne po përballemi me recesion.

Për të parandaluar që koronavirusi të përhapet më tej, mbyllja e shkollave dhe çerdheve ishte thelbësore. Por masat e marra kanë lënë prindërit që punojnë me shumë pak zgjedhje që të marrin pushim, përderisa u duhet të kujdesen edhe për fëmijët e tyre.

Mbyllja e shkollave godet veçanërisht gratë, sepse shumë nga përgjegjësia për kujdesin e fëmijëve ende bien mbi to. Meqenëse gratë ende bëjnë pjesën më të madhe të kujdesit për fëmijë, nuk kemi gjasa të shohim barazi në mënyrën se si ndahet ky dëm midis burrave dhe grave. Ne mund të shohim implikime në karrierë, thonë ekspertët.

Kriza e tanishme mund të përkeqësojë pabarazitë që tashmë paraqesin problem për gratë në vendin e punës./Yahoo Finances/ Përktheu: Arbresh.info/

Shpërndaje në rrjete sociale

Lajmet më të lexuara