Hormoni i kënaqësisë ruan edhe trurin

01:31 | 22 Qershor 2017

Sipas një studimi italian, hormoni i kënaqësisë, serotonina është ne gjendje te ruaje shëndetin e trurit si kur ai është ne formim, ashtu edhe gjate jetës.

Serotonina, një neurotransmetitor i njohur ndryshe edhe si molekula e kënaqësisë, është thelbësore ne ruajtjen e qarqeve nervore si gjate zhvillimit te tij, kur truri është ende plastik, ashtu edhe gjate jetës. Ky përfundim ka dale nga një studim i një grupi kërkuesish te Universitetit te Bolonjës, te cilët me pare kishin fotografuar se si truri zhvillohej ne mungese te këtij hormoni.

Shkencëtarët italianë përmes përdorimit te teknikave te rafinuara te gjenetikes molekulare munden qe te frenojnë sekretimin e serotoninës ne trurin e minjve te laboratorit dhe evidentojne neuronet receptorë te serotoninës. Eksperimentet treguan se gjate harkut te jetës, këto qeliza janë ne gjendje te modifikojnë natyrën e tyre ne varësi te nivelit te serotoninës. Niveli i këtij hormoni përcaktohet si nga faktorë gjenetike, ashtu edhe nga ato mjedisore. Duke ndryshuar natyrën e tyre, ato ndryshojnë njëkohësisht edhe funksionet. Studimi i mësipërm  qe përshkruan ndikimin e nivelit te hormonit serotoninë ne funksionimin e qelizave receptore te tij, do te ndihmoje ne parandalimin dhe kurimin e patologjive neuropsikiatrike ne te ardhmen.

Shpërndaje në rrjete sociale

Lajmet më të lexuara