Vetëvendosje e quan dashakeqe ndërlidhjen e këtij subjekti politik me sulmin ndaj Hotit

14:41 | 22 Shkurt 2020

Pas sulmit të sotëm me vezë ndaj zëvendëskryeministrit Avdullah Hoti ka reaguar vetë Hoti, LDK dhe ministrat e këtij subjekti në  Qeverinë Kurti, por deri tash ka munguar reagimi i kryeministrit dhe subjekteve të tjera politike, përveç Lëvizjes Vetëvendosje, e cila ka këruar që ky rast të mos  ndërlidhet me VV-në

Zëdhënësi i Lëvizjes Vetëvendosje, Arlind Manxhuka, përmes një postimi në Facebook, ka thënë se “Ndërlidhja e VV-së në sulmin me vezë ndaj zv.kryeministrit Hoti është tendencë dashakeqe që për qellim ka futjen e pykës për koalicionin e shpresës”.

“Koalicion të cilin qytetaret e vendosën në zgjedhjet e 6 tetorit. Në anën tjetër mirëfilli dihen qasjet tona karshi taksës dhe reciprocitetit dhe nuk ka asgjë të paqartë këtu”, ka shkruar Manxhuka.

Ndaj këtij akti ka reaguar kryetari i Prishtinës, Shpend Ahmeti, ish-nënkryetar i LVV-së dhe ish-kryetari i PSD-së, i cili përmes një postimi në Twitter, ka thënë se opozita e re po i bën reciprocitet Qeverisë së re me vezë, duke pyetur se a do të ketë edhe aksione në Kuvend.

“Edhe pse çdo gjë që e mbjellë edhe do ta korrësh, në aksione të tilla shumë ka rëndësi se kush e bën, ndaj kujt, dhe për çfarë arsye”, ka shkruar Ahmeti.

Duket sikur ky postim i Ahmetit edhe e ka nxitur reagimin e Lëvizjes Vetëvendosje.

Zëvendëskryeministri i Kosovës, Avdullah Hoti, është sulmuar sot nga persona të panjohur me vezë afër objektit të Qeverisë së Kosovës.

Nderlidhja e VV-se ne sulmin me veze ndaj zv.kryeministrit Hoti eshte tendence dashakeqe qe per qellim ka futjen e pykes…

Publiée par Arlind Manxhuka sur Samedi 22 février 2020

 

Lajmet më të lexuara