Thaçi ua uron festën me një porosi: Shmangni vizitat tradicionale

19:04 | 23 Maj 2020

Presidenti i Kosovës, Hashim Thaçi, ua ka uruar besimtarëve musliman Festën e Fitër Bajramit.

Ai u ka bërë thirrje qytetarëve që për shkak të pandemisë, të shmangin vizitat tradicionale te njëri tjetri.

Postimi:

Besimtarët myslimanë sot e kanë ditën e fundit të agjërimit dhe e përfundojnë muajin e Ramazanit. Ky muaj i madhërishëm sivjet ishte më ndryshe për shkak të pandemisë, por ai forcoi besimin, durimin dhe disiplinën fizike e shpirtërore te çdo besimtar.

Njëkohësisht me urimin që agjëruesve t’u jenë pranuar sakrificat dhe lutjet, besimtarëve myslimanë ua uroj Fitër Bajramin, i cili është gëzim i përbashkët dhe vazhdim i bujarisë dhe bamirësisë ndërnjerëzore.

Rreziku nga pandemia ende nuk ka kaluar, prandaj u bëj thirrje që në këto ditë feste të shmangen vizitat tradicionale te njëri-tjetri, sepse vetëm disiplinë dhe kujdes të shtuar mund t’i gëzohemi së shpejti edhe tejkalimit të kësaj situate.

Paqja, solidariteti, mirëqenia dhe toleranca uroj të mbizotërojnë përherë në mesin tonë dhe kudo në botë! HTH

Shpërndaje në rrjete sociale

Lajmet më të lexuara