Thaçi pritet nga Perandori Naruhito në Japoni

14:48 | 13 Shtator 2019

Presidenti i Republikës së Kosovës, Hashim Thaçi sot është pritur nga Lartmadhëria e tij, Perandori Naruhito i Japonisë.

I përcjellur nga zyrtarët e oborrit perandorak, Thaçi ka arritur në pallatin perandorak, ku është pritur nga Perandori Naruhito me nderimet me të larta.

Në takim me Perandorin, i pari i Kosovës ka biseduar për rrugëtimin e Kosovës që nga përfundimi i luftës. Sipas një komunikate për media presidenti Thaçi e ka uruar për epokën “Reiwa” që ka filluar Lartmadhëria e tij, Perandori Naruhito, duke shprehur dëshirën që fryma e harmonisë të mbretërojë në Japoni dhe në tërë botën.

Thaçi i shprehu mirënjohje Perandorit në emër të popullit të Kosovës, për përkrahjen që Japonia na ka dhënë gjatë dhe pas luftës. “Jemi popuj dhe vende mike dhe kështu do të jemi për gjithmonë”, shtoi Thaçi.

 

Shpërndaje në rrjete sociale

Lajmet më të lexuara