Thaçi: Duhet ta vazhdojmë luftën kundër korrupsionit

15:07 | 14 Mars 2019

Presidenti i vendit, Hashim Thaçi, përmes një shkrimi në llogarinë e tij në Facebook, ka thënë  se  Kosova duhet të vazhdoj luftën kundër korrupsionit, veç tjerash edhe t’u garantojnë të drejtat e tyre të gjithë qytetarëve, shkruan Arbesh.info

Thaçi gjithashtu ka komentuar edhe raportin e të drejtave të njeriut në Kosovë për vitin 2018, i cili është publikuar nga departamenti Amerikan i Shtetit, ku tha se ka shumë përparime në sektorin e drejtësisë.

“Raporti për të Drejtat e Njeriut në Kosovë për vitin 2018, i publikuar nga Departamenti Amerikan i Shtetit, ka identifikuar shumë përparime në sektorin drejtësisë, por edhe shumë sfida që kemi përpara. I jemi mirënjohës SHBA-së për investimet dhe mbështetjen që i ka dhënë Kosovës në sektorin e drejtësisë. Të gjitha ngecjet që janë identifikuar në këtë raport duhet të merren seriozisht nga institucionet e Kosovës dhe të punohet me dinamikë më të madhe në përmirësimin e tyre. Ne duhet ta vazhdojmë luftën e pakompromis kundër korrupsionit dhe t’i garantojmë të drejtat e qytetarëve të të gjitha komuniteteve tona, si vlera mbi të cilat e kemi ndërtuar shtetin tonë” ka shkruar Thaçi.

Shpërndaje në rrjete sociale