Të hënën diplomojnë kadetët e FSK-së

08:16 | 28 Qershor 2020 | Agnesa Çitaku

Të hënën do të mbahet ceremonia e diplomimit të kadetëve të Forcës së Sigurisë së Kosovës.

Ceremonia do të mbahet në orën 10:00.

Këtë për arbresh.info e ka konfirmuar drejtori i Zyrës për Marrëdhënie me Publikun në Ministrinë e Mbrojtjes, Ibrahim Shala.

“Ceremonia e diplomimit të kadetëve të FSK-së do të mbahet të hënën në orën 10:00 në kazermën  ‘Adem Jashari”, ka thënë Shala.

Ndryshe në vitin që lamë pas gjenerata e parë  e kadetëve të Forcës së Sigurisë së Kosovës tani oficerë, kremtuan 10 vjetorin e diplomimit.

Gjatë asaj ceremonie Komandanti i Forcës së Sigurisë, Gjenerallejtnant Rrahman Rama, ka thënë se FSK krenohet me oficerët e rinj.

“Forca e Sigurisë e Kosovës me sukses ka arritur të zhvillojë sistem të rekrutimit, shkollimit dhe trajnimit të kuadrove të reja dhe se pikërisht sistemi i tillë serioz dhe i përkushtuar ka bërë që FSK-ja sot të krenohet me oficerët e rinj, si garantuese e vazhdimësisë së suksesshme të institucionit tonë. Qendra për Studime Universitare e FSK-së së shpejti do të jetë ndërkombëtare, ku do të kenë mundësi të shkollohen edhe kadetë nga shtetet mike dhe partnere”, ka thënë Rama.

Gjatë kësaj ceremonie ishte shfaqur edhe një dokumentar i shkurt me disa nga momentet sfiduese  sfiduese të kadetëve, gjatë katër viteve të studimit në këtë Akademi, të cilat kanë ngelur ende në kujtesë të kadetëve të kësaj gjenerate./A.Çitaku/arbresh.info/

Shpërndaje në rrjete sociale

Lajmet më të lexuara