Specialistët kërkojnë përgjigje nga ministri Urani: Nuk e mbajti premtimin

11:12 | 12 Shtator 2019

Një grup specialistësh në Stomatologji kanë dal para Ministrisë së Shëndetësisë  për të kërkuar përgjigje për premtimin që ministri Uran Ismaili u kishte dhënë, shkruan arbresh.info.

Përmes një proteste simbolike ata kërkojnë përgjigje nga ministri për ndryshim të një udhëzimi Administrativ që ua mundëson punësimin e tyre.

Mirjeta Berisha specialiste e papunë nga lëmia e Stomatologjisë tha se do të presin derisa të marrin një përgjigje.

“Na është premtuar nga ministri ndryshimi i një udhëzimi administrativ i cili neve nuk na ka lejuar kyqjen në institucione publike shëndetësore. Nga takimet me ministrin na është premtuar që do të ndryshohet ky udhëzim por nuk është mbajt premtimi”, tha ajo para mediave

Ajo thotë se kanë dal sot për të kërkuar një përgjigje nga Ministri i Shëndetësisë Uran Ismaili.

Berisha thotë se nuk do të ndalen deri të marrin një përgjigje duke shtuar se edhe ministrat tjerë që do të vijnë në krye te Shëndetësisë do të përballen me këtë grup të papunëve./arbresh.info/

Shpërndaje në rrjete sociale

Lajmet më të lexuara