Peci: Ndërkombëtarët nuk vendosin për këtë rast, por Kushtetuesja

16:17 | 28 Gusht 2017

Gjyqtari dhe kandidati për kryetar të Gjykatës Supreme, Enver Peci, i cili nga anëtarët e KGJK-së mori shumicën e votave për këtë post, thotë se për mënyrën e drejt apo jo të votimit nuk vendosin ndërkombëtarët por Gjykata Kushtetuese.

Sipas tij, situata e tillë sic po prolongon procesin.

“Unë e kam marr propozimin që KGJK ia ka dërguar presidentit për dekretim.  Nuk e di çka ndodh se këtu problemi është që ndërkombëtarët nuk mund të vendosin për këtë situatë, por është Kushtetuesja me KGJK-në”, thotë Peci.

Peci për “Arbresh.info” tha se nuk dëshiron të komentoj, por pohon se KGJK është përpjekur t’a zbatoj aktgjykimin e Gjykatës Kushtetuese.

“Nuk po du me komentua këtë çështje, nuk e di çka po ndodh. KGJK kanë bërë përpjekje më bë një zgjedhje të drejt, tash s’di. Ne jemi katër kandidat të barabartë që i jemi nënshtruar këtij procesi”, shprehet Peci për “Arbresh.info”.

Ndërkohë në përgjigjen e dhënë “Arbresh.info”   zyrtarë të kësaj gjykate kanë pohur se zgjedhja e kryetarëve të Gjykatës Supreme dhe asaj të Apelit është bërë sipas aktgjykimit të Gjykatës Kushtetuese.

“Me po të njëjtën shkresë, Këshilli Gjyqësor i Kosovës e ka informuar Gjykatën edhe përkitazi me mbajtjen e procesit të ri të votimit për kryetar të Gjykatës Supreme dhe të Gjykatës së Apelit, në përputhje me aktgjykimet e Gjykatës Kushtetuese”, thuhet nw përgjigjen e  gjykatës.

Ambasada e Mbretërisë së Bashkuar dhe ajo e Shteteve të Bashkuara të Amerikës patën reaguar  ndaj vendimit të Këshillit Gjyqësor të Kosovës për zgjedhjen e kryetarit të Gjykatës së Apelit dhe kryetarit të Gjykatës Supreme të Kosovës.

Ambasada britanike dhe ajo amerikane patën shprehur zhgënjimin e tyre me vendimin që votimi të mbahet i fshehtë.

Po ashtu përveç ambasadave, ndaj kësaj mënyre të përzgjedhjes së kreut të Supremes dhe Apelit e pati reaguar edhe Zyra e BE-së në Kosovë dhe EULEX. / Arbresh.info/ Gita Lushi

Shpërndaje në rrjete sociale

Lajmet më të lexuara