Partitë opozitare s’i shkojnë Veselit në takim, është i sigurt që do ketë unitet

11:06 | 23 Korrik 2018

Kryetari i Kuvendit të Kosovës, Kadri Veseli ka organizuar sot një tryezë diskutimi për procesin e dialogut mirëpo asaj i janë përgjigjur vetëm liderët e partive të koalicionit.

Kjo ka shtyrë Veselin që të dalë në një konferencë për media në të cilin deklaroi se kërkesa për një tryezë të tillë ka qenë më shumë e opozitës sesa e pozitës, raporton arbresh.info.

“Në takimin e sotëm kanë marrë pjesë vetëm përfaqësuesit e pozitës, të partive që janë në koalicion. Kërkesa e sotme ka qene më shumë kërkesë e opozitës. Dua të them se te ulesh me Serbin sot nuk është privilegj por për hir të fëmijëve tanë dhe sakrificës për ta ruajtur këtë që e kemi arritur deri tani është obligim dhe përgjegjësi e gjithë spektrit politik dhe opozitës dhe mesazhi që duhet ta përçonim sot është se Kosova është shtet i pavarur dhe sovran”, ka thënë Veseli.

Sipas tij, me Serbinë duhet të përfundohen sherret për hir të fëmijëve dhe sakrificës për ta ruajtur agjendën euroatlantike./Arbresh.info

 

Shpërndaje në rrjete sociale