Numër i madh i parregullsive në 530 vendvotime, kërkohet rinumërim

09:56 | 17 Tetor 2019

Komisioni Qendror i Zgjedhjeve ka mbajtur mbledhjen e radhës.

Burim Ahmeti nga QNR ka kërkuar që të shkojnë në rinumërim 530 vendvotime për shkak të disa parregullsive që ka hasur auditori.

“Të gjithë formularët do të hyjnë ne riprocedim. Natyra e problemeve është që në disa raste kanë munguar formularët. Tjetër është se janë më shumë vendvotime se sa janë shënuar në formular.  Këto i kemi karakterizuar si raste me probleme teknike. Dhe kemi kërkuar që këto formular te shkojnë në rinumërim” tha Ahmeti.

Sipas raportit të përgatitur nga QNR janë regjistruat këto parregullsi: 81 raste kur partitë politike nuk kanë vota ndërsa kandidatet kanë vota. 89 raste tjeta janë kur kandidati ka më shumë vota se sa partia.

Të gjithë kandidatet kanë me shumë vota se sa vetë subjekti.

Ahmeti kërkoi që 530 vendvotime të shkojnë në rinumërim sepse sipas tij formalët e rezultateve nuk mund të procedohen.

Ndërsa sa i përket votave me kusht Ahmeti tha se janë në fazën e fundit të regjistrimit.

“Sa i përket regjistrimit të votave me kusht jemi në proces të fundit që ti kemi regjistrimin në përputhje. Jemi ne fazën e fundit të kontrollit ku do te hapet numërimi i votave me kusht” tha ai./arbresh.info/

Shpërndaje në rrjete sociale

Lajmet më të lexuara