Nisi takimi i presidentit me kryeministrin lidhur me qeverinë e re

10:10 | 1 Prill 2020

Ka arritur në presidencë kryeministri në detyrë Albin Kurti.

Takimin e ka thirrur presidenti Hashim Thaçi për të diskutuar rreth formimit të qeverisë së re, raporton portali arbresh.info.

Kurse kryeministri pak para takimit ia ka bërë të qartë presidentit se do të takohet me të vetëm për një çështje.

“Dëshiroj paraprakisht t’ju bëj të qartë, se çështja e vetme për të cilën do të bisedoj sot me ju, është se kur do të jetë koha më e përshtatshme për shpërndarjen e Kuvendit, duke marrë parasysh në veçanti gjendjen emergjente të shëndetit publik me të cilën po përballet Republika e Kosovës në këtë kohë. Kjo është një çështje për të cilën jemi të detyruar për t’i mbajtur qytetarët e Republikës, burimin e sovranitetin demokratik, vazhdimisht të informuar”, thuhet në letrën e Kurtit.

Ndërkohë presidenti Thaçi më pastaj do të takoj kryetarin e LDK-së, Isa Mustafa për po të njëjtin qëllim, krijimin e qeverisë së re./arbresh.info/

Shpërndaje në rrjete sociale

Lajmet më të lexuara