Në Spitalin e Pejës 16 pacientë me koronavirus, dy prej tyre në gjendje më të rëndë

08:50 | 28 Shtator 2020

Në Spitalin e Pejës janë duke u trajtuar 16 pacientë me koronavirus, ku dy prej tyre janë në gjendje më të rëndë.

Spitali i Pejës, ka njoftuar se janë duke trajtuar 16 pacientë me koronavirus dhe dy prej tyre janë në gjendje më të rëndë.

Sipas njoftimit, 10 pacientë janë në oksigjeno-terapi.

Njoftimi i plotë:

Gjatë vikendit të fundit në Spitalin e Përgjithshëm në Pejë, 544 pacientë kanë marrë trajtim emergjent shëndetësorë.

46 pacientë janë shtrirë për trajtim të mëtutjeshëm.

382 pacientë kanë kryer analiza, që në total kanë bërë 4,265 analiza. 10 Operacione janë kryer gjatë vikendit, ndërsa kanë lindur 13 foshnje, 8 të gjinisë mashkullore dhe 5 të gjinisë femërore.

Aktualisht po trajtohen 16 pacientë me Covid-19. Sa i përket gjendjes së pacientëve, 10 pacientë janë në Oksigjeno terapi dhe nga këta 2 pacientë janë në gjendje më të rëndë.

Nga Personeli i Spitalit aktualisht janë të infektuar 1 Mjek, 4 Infermierë dhe 1 punëtor i Shërbimeve Teknike.

Shpërndaje në rrjete sociale

Lajmet më të lexuara