Ndalohet polici që sulmoi fizikisht qytetarin

20:07 | 8 Prill 2020

Sot, Prokuroria Themelore në Prishtinë njofton se ka ndaluar për 48 orë të dyshuarit R.A. zyrtar policor për shkak të dyshimit të arsyeshëm se ka kryer veprën penale “Keqtrajtimi gjatë ushtrimit të detyrës zyrtare ose autorizimeve publike” nga neni 195 i KPRK.

“R.A. dyshohet se më 05 prill 2020, e ka keqpërdorë detyrën e tij zyrtare si zyrtar policor, si dhe pasi që e ka ndaluar në një pikë kontrolli të dëmtuarin ka ushtruar dhunë fizike duke e sulmuar fizikisht atë në kokë dhe pjesë tjera të trupit, ku si pasojë i dëmtuari ka pësuar dëmtime serioze në kokë, lëndime këto nga të cilat i dëmtuari një ditë më vonë ka pësuar sulm në tru, duke humbur vetëdijen, ku edhe i është nënshtruar një intervenimi kirurgjik në Klinikën e Neurologjisë në QKUK””, thuhet në njoftimin për media.

Prokurori i Shtetit është duke e përcjellë me vëmendje gjendjen shëndetësore të të dëmtuarit, si dhe është në pritje të raportit të detajuar nga ana e stafit mjekësor.

Prokurori i shtetit gjatë afatit prej 24 orëve do të parashtroj në Gjykatën kompetente kërkesën për caktimin e masës së paraburgimit kundër të pandehurit./arbresh.info

Shpërndaje në rrjete sociale

Lajmet më të lexuara