MZHR-ja, i ndanë Komunës së Mitrovicës 100 mijë euro

16:12 | 17 Prill 2019

Kryetari i komunës, Agim Bahtiri dhe ministri i Ministrisë së Zhvillimit Rajonal, Rasim Demiri, sot kanë nënshkruar një marrëveshje mirëkuptimi për bashkëfinancim të projektit “Rregullimi i terreneve sportive dhe nyjeve sanitare në SHFMU “Eqrem Qabej”.

Me anë të kësaj marrëveshje, siç njofton kumtesa,  Ministria e Zhvillimit Rajonal do të financoj projektin me shumën prej 100,000 euro, ndërsa Komuna e Mitrovicës do të participojë me vlerën prej 29,581 euro, përcjell lajmi.net.

Me këtë rast kryetari Bahtiri falënderoi ministrin Demiri në mbështetjen e Komunës për realizimin e këtij projekti, të cilin e vlerësoi si shumë të rëndësishëm, pasi që do ta pasuroj dhe zbukuroj hapësirën përreth shkollës “Eqrem Qabej”.

Po ashtu kryetari Bahtiri u zotua se do ta realizoj projektin me përkushtim maksimal me qëllim të përmirësimit të cilësisë së shërbimeve, dhe fëmijët të kenë një objekt sa më modern për të ndjekur mësimet.

Ndërsa ministri i Ministrisë së Zhvillimit Rajonal, Rasim Demiri, përgëzoj kryetarin Bahtiri për punën e tij të palodhshme dhe i uroj suksese në realizimin e projektit të përbashkët.

 

 

Shpërndaje në rrjete sociale

Lajmet më të lexuara