Mbeti i varur në shtyllën elektrike, vdes një person në Bërnicë

21:33 | 16 Shtator 2020

Një person ka vdekur në fshatin Bërnicë të Prishtinës, të mërkurën në mbrëmje.

Sipas zëdhënësit të Policisë për Rajonin e Prishtinës, Bajram Krasniqi, viktima kishte mbetur për një kohë në shtyllën elektrike, ndërsa pasi është zbritur në tokë është konstatuar se është pa shenja jete.

Krasniqi, për arbresh.info  thotë se për rastin Policia ishte njoftuar rreth orës 19:30.

Ai ka thënë se me këtë rast janë njoftuar edhe ekipet emergjente mjekësore, KEDS-i dhe zjarrfikësit. Ndërkaq, rreth orës 21:00, ai ka njoftuar se personi që kishte mbetur në shtyllë ishte zbritur në tokë, e që “sipas ekipit mjekësor, ai është pa shenja jete”.

“Sot, më 16.09.2020, në ora 19:30, policia është njoftuar se në fshatin Bërnicë -Prishtinë, një person ka mbetur në një shtyllë elektrike. Janë njoftuar edhe ekipet emergjente mjekësore, KEDS-i dhe zjarrfikësit. Policia së bashku me ekipet tjera ende janë në vend-ngjarje. Për informata tjera u njoftojmë me kohë”, është shprehur  Krasniqi.

“Para pak çaste, personi që kishte mbetur në shtyllë elektrike, në fshatin Bërnicë, është zbritur në tokë. Sipas ekipit mjekësor, ai është pa shenja jete”, shtoi Krasniqi./arbresh.info/

Shpërndaje në rrjete sociale

Lajmet më të lexuara