Lista e laboratorëve privat ku lejohet të bëhet testi për COVID-19

17:44 | 10 Gusht 2020

Ministria e Shëndetësisë ka njoftuar se Bordi për Licencim të Institucioneve Private Shëndetësore ka licencuar 29 laboratorë për të kryer testime për COVID-19, raporton Express.

Përmes një komunikate drejtuar mediave, MSh’ja ka bërë me dije se 27 prej laboratorëve të licencuar do të aplikojnë testime serologjike, derisa dy të tjera do të kryejnë testime molekulare.

“Bordi për licencim të institucioneve private shëndetësore, do të vijoj me shqyrtimin edhe të aplikacioneve të tjera gjatë gjithë javës, dhe në listën e radhës, do të publikohen edhe emrat e institucioneve të tjera të cilave do t’u lejohet gjithashtu kryerja e testeve për SARS-Cov-2”, thuhet në komunikatë.
Sipas MSh’së, Inspektorati Shëndetësor, duke filluar nga dita e nesërme, do të kryejë inspektime në institucionet të cilave u është lejuar kryerja e testimeve, për të inspektuar gatishmërinë e tyre për t’i kryer testimet dhe verifikuar të dhënat e prezantuara nga këto institucione.

Shpërndaje në rrjete sociale

Lajmet më të lexuara