KOSTT shpreh gatishmërinë për të ndihmuar në riparimin e trafos së Trepçës

19:51 | 22 Janar 2019

Në selinë Qendrore të Ndërmarrjes Trepça, Menaxhmenti i lartë i KOSTT-it ka mbajtur takim emergjent me menaxhmentin e KEDS dhe të ndërmarrjes Trepça në lidhje me situatën e shkaktuar dhe për hapat që duhet ndërmarrë për stabilizimin e furnizimit me energji elektrike sa më të shpejtë.

Përmes një komunikate, KOSTT bënë të ditur se në këtë takim ka shprehur gatishmëri për të ndihmuar në riparimin e Nënstacionit Trepça dhe në tejkalimin e kësaj situate e si në mënyrë profesionale po ashtu dhe logjistike, transmeton Indeksonline.

“Njoftohen qytetarët që sot në orën 11:11 për shkak të avarisë së ndodhur në Nënstacion e Trepçës prej nga edhe furnizohet konsumi i Mitrovës, ka rënë ndërprerësi i  largpërçuesit 110 kv Nr. 125/3 në NS Vallaq dhe i largpërçuesit 110kV Nr.125/4 në NS Vushtrri 2.

Pas verifikimit të situatës dhe marrjes së informacioneve të nevojshme (se objekti i NS Trepça është duke u djegur), është izoluar NS Trepça në të dyja anët (është tokëzuar LP 125/3 në NS Vallaq dhe LP 125/2 në NS Vushtrria 1). NS Vushtrria 1 është energjizuar në ora 11:28 përmes LP 125/4 në NS Vushtrrria 2, si pasojë e kësaj rënie, konsumatorët që furnizohen nga NS Trepça kanë mbetur pa energji elektrike ndërsa konsumatorët që furnizohen nga NS Vushtrri 1 kanë mbetur pa energji elektrike në interval prej 17 minutave ( redukimi I parashikuar 10MË)

KOSTT tërë kohën ishte, dhe është i gatshëm të furnizojë nënstacionin e Trepçës prej nga furnizohet konsumi i Mitrovicës dhe se është në pritje të konfirmimit të personelit përgjegjës të NS Trepça për gatishmërinë e tyre ta pranojnë tensionin nga rrjeti 110kV i KOSTT, me ç‘rast posa të kemi konfirmim KOSTT do të fillojë realizimin e furnizimit të energjisë eklektike për NS Trepça”, thuhet në këtë komunikatë.

 

Lexo edhe: Minatorët nuk u ngujuan nga djegia e trafos, flet inxhinieri i elektros

Shpërndaje në rrjete sociale

Lajmet më të lexuara