Kamberi: Mitrovica s’do të ketë deputet pasi që votat shpërndahen

18:39 | 8 Nëntor 2019

Kryetari i Degës së LDK-së në Mitrovicë, Safet Kamberi, ka thënë se ky subjekt ka shënuar rritje në këtë komunë në zgjedhjet e 6 tetorit.

“Vota për LDK në Mitrovicë ka shënuar rritje. Kemi rritë votën e LDK-së për 15 përqind dhe kjo tregon se LDK është në rrugë të mbarë”, ka thënë Kamberi, njofton Klan Kosova.

Sa për çështjen se ky qytet nuk do të ketë asnjë deputet në Kuvendin e Kosovës, ai ka thënë se kjo kërkon analizë.

“Vota e LDK-së dhe mitrovicasve shpërndahet dhe kjo na ka përcjell tek secili subjekt në Mitrovicë”.

“Konsideroj se është sinjal që edhe strukturat tonë është dashtë të merren me këtë çështje, përkundër rezultatit të mirë në rritjen e votës së LDK-së”.

Lajmet më të lexuara