Hoti: Rugova, simboli i pavarësisë së Republikës së Kosovës

20:50 | 2 Dhjetor 2020

Presidenti historik Ibrahim Rugova do të festonte ditëlindjen e 76-të.

E për të shënuar këtë ditë është zbuluar shtatorja e tij në vendlindje në Istog, shkruan portali arbresh.info

Kryeministri Avdullah Hoti që i përket edhe partisë së themeluar nga i ndjeri Rugova ka thënë se Kosova është e bekuar që ka pasur prijës të tillë, simbolin e pavarësisë së Republikës së Kosovës.

“Sot shënojmë datëlindjen e Presidentit historik të Kosovës, dr. Ibrahim Rugova, prijësit të vendit tonë në udhën e shenjtë për liri, pavarësi dhe demokraci!

“Ibrahim Rugova, intelektual i shkëlqyeshëm i vlerave të modernitetit perëndimor, njohës dhe afirmues i mrekullueshëm i trashëgimisë sonë letrare, kulturore e shpirtërore, vizionin e tij estetik për refuzimin e së keqes dhe shëmtisë e barti edhe në rrafshin politik, për t’i dhënë Kosovës dhe botës një model unik të udhëheqësit të urtë dhe konsistent, të prijësit fisnik dhe të moderuar.

“Jemi të bekuar që kemi pasur një prijës të tillë, i cili, duke i prirë vendit në vitet e një epoke, u shndërrua vetë në simbol të saj – simbol të pavarësisë së Republikës së Kosovës”, shkruan Hoti në profilin e tij zyrtar.

Ibrahim Rugova u nda nga jeta në janarin e vitit 2006./arbresh.info/

Sot shënojmë datëlindjen e Presidentit historik të Kosovës, dr. Ibrahim Rugova, prijësit të vendit tonë në udhën e…

Posted by Avdullah Hoti on Wednesday, 2 December 2020

Shpërndaje në rrjete sociale

Lajmet më të lexuara