Hoti: Ne nuk do të negociojmë me Serbinë për shtetin e Kosovës

14:51 | 15 Prill 2019

Shefi i Grupit Parlamentar të LDK-së, Avdullah Hoti, ka thënë se kufijtë e Kosovës, integriteti territorial, sovraniteti dhe rendi kushtetues janë çështje të panegociueshme.

“Kushdo që merr guximin të hyjë në këto aventura do të përballet me refuzim qytetarë”, ka shkruar Hoti në Facebook.

“Ne nuk do të negociojmë asnjëherë me Serbinë për shtetin e Kosovës”.

“Ne do të negociojmë me Serbinë për normalizim të marrëdhënieve si dy shtete, dhe para kësaj Serbia duhet të bëjë hapin e madh të njohjes së krimeve dhe kërkim falje, kthimin e të pagjeturve dhe përmbushjen e disa parakushteve”.

Shpërndaje në rrjete sociale