Gjuriq i tregon ambasadorit gjerman se për çka do të insistojë Serbia në Bruksel

17:39 | 14 Shtator 2020

Drejtori i Zyrës për Kosovën në Qeverinë e Serbisë, Marko Gjuriqi, ia ka bërë të ditur të hënën ambasadorit gjerman në Beograd, Thomas Schieb se shteti i tij do të insistojë në krijimin sa më të shpejtë të Asociacionit të Komunave me shumicë serbe, gjatë dialogut Kosovë-Serbi.

Ai njëkohësisht është shprehur optimist se normalizimi dhe përshpejtimi i bashkëpunimit ekonomik mes Kosovës dhe Serbisë, në kuadër të Marrëveshjes së Washingtonit, “do ta krijojë hapësirën për bashkëpunim dhe pajtim, duke i kontribuar mirëqenies së tërë rajonit”.

“Beogradi nuk do të heqë dorë nga insistimi për krijimin sa më të shpejtë të Asociacionit të Komunave me shumicë serbe, gjë që paraqet obligim të cilin Prishtina nuk e ka përmbushur për shtatë vjet e gjysmë”, shkruhet në njoftimin e Qeverisë së Serbisë.

Shpërndaje në rrjete sociale

Lajmet më të lexuara