Fermerët e revoltuar derdhin cisternat me qumësht rrugëve të Prishtinës

13:38 | 29 Shtator 2020

Atë për çka kanë ardhur kanë vendosur ta përfundojnë ani pse jo në destinacionin e duhur.

Nuk është vend i grumbullimit të qumështit, por ai po derdhet në mes të rrugëve të Prishtinës, raporton portali arbresh.info.

E krejt ky revolt po bëhet pasi që Qeveria e Kosovës nuk po ju del në ndihmë.

Bllokada e Njësisë Speciale e Policisë së Kosovës, shtyri fermerët që cisternat me qumësht t’i zbrazin mes të rrugës në kryeqytet.

Ani pse këtë gjë kishin paraparë ta bëjnë përball ndërtesës së Qeverisë, bllokada ndryshoi rrjedhën e protestës.

Kryeministri Avdullah Hoti i kishte kërkuar gjatë takimit me përfaqësuesit e prodhuesve të qumështit që të mos e derdhin në rrugë./arbresh.info/

Shpërndaje në rrjete sociale

Lajmet më të lexuara