Brenda 24 orëve u ndaluar 20 persona dhe ndaj 3 prej tyre u kërkua paraburgim

16:22 | 13 Gusht 2019

Prokurori i Shtetit njofton opinionin se gjatë 24 orëve të fundit prokuroritë themelore kanë ndaluar njëzet (20) persona, si dhe  kanë bërë tri (3) kërkesa për caktimin e paraburgimit të tre (3) personave për shkak të dyshimit se kanë kryer vepra të ndryshme penale.

Prokuroria Themelore në Prishtinë, gjatë 24 orëve të fundit, me urdhër të prokurorit kujdestar, ka ndaluar dhjetë (10) persona të dyshuar. Po ashtu, kjo prokurori ka bërë tri (3) kërkesa për caktim të masës së paraburgimit për tre (3) persona.

Prokuroria Themelore në Pejë, gjatë 24 orëve të fundit ka ndaluar pesë  (5) persona të dyshuar për vepra të ndryshme penale. Dy (2) persona janë ndaluar për veprën penale “Lëndim i lehtë trupor”, një (1) për veprën penale “Përdorimi i armës apo mjetit të rrezikshëm”, dhe një (1) tjetër për veprën penale “Posedimi i paautorizuar i narkotikëve”, dhe një (1) për veprën penale “Dhunë në familje”.

Prokuroria Themelore në Gjilan, gjatë 24 orëve të fundit, ka ndaluar një (1) person të dyshuar, në kohëzgjatje prej 48 orësh.

Prokuroria Themelore në Gjakovë – Departamenti i Përgjithshëm, për 24 orët e fundit, me urdhër të prokurorit kujdestar, ka ndaluar katër (4) persona, me dyshimin se kanë kryer veprën penale” Lëndim i lehte trupor”./Arbresh.info

Shpërndaje në rrjete sociale

Lajmet më të lexuara