Ambasadori amerikan në Çeki riafirmon mbështjen për Kosovën e pavarur

14:54 | 12 Shtator 2019

Ambasadori amerikan në Çeki, Stephen B.King, është takuar me ambasadorin e Kosovës në Pragë, Arbër Vllahiu.

Përmes një cicërime në Twitter, King tha se SHBA-ja ka mbështetje të palëkundur për Republikën e Kosovës, si një vend sovran dhe të integruar plotësisht në institucionet ndërkombëtare.

“Ishte nder që të takohem këtë mëngjes me ambasadorin Arbër Vllahiu dhe të riafirmoj me të, mbështetjen e palëkundur të Shteteve të Bashkuara për një Republikë sovrane dhe të pavarur të Kosovës, të integruar plotësisht në bashkësinë ndërkombëtare”, ka shkruar King.

Ky postim vjen një ditë pas deklaratës së Presidentit të Çekisë, Millosh Zeman, i cili tha në Beograd se brenda një muaji do ta shqyrtojnë mundësinë e tërheqjes së njohjes për pavarësinë e Republikës së Kosovës.

Shpërndaje në rrjete sociale

Lajmet më të lexuara