Valdet Gjinovci tenton tu ikë gazetarëve, pyet Dudën: A hecim?

11:32 | 27 Mars 2018

Kryeshefi ekzekutiv i Agjencisë së Ushqimit dhe Veterinarisë, Valdet Gjinovci ka pritur sot në takim Komisionin për të Drejtat e Njeriut të Kuvendit të Kosovës, me të vetmen pjesëmarrëse, kryetaren e saj, Duda Balje.

Takimi është realizuar në lidhje me skandalin për mishin e importuar në Kosovë, raporton Arbresh.info.

Pas takimit, Gjinovci dhe Balje kanë mbajtur edhe një konferencë për media ku secili tha se mishi pa afat nuk ka hyrë në Kosovë.

Menjëherë pas deklaratave të tyre, Gjinovci ka tentuar tu ikë pyetjeve të gazetarëve duke i thënë me zë të ulët Baljes që të largohen.

“A hecim” ishte pyetja e Gjinovcit drejtuar mysafires së tij.

Mirëpo Duda ose nuk e kuptoi kryeshefin e AUV-it se çka i tha ose nuk u largua qëllimisht duke ‘detyruar’ Gjinovcin që të qëndrojë aty dhe tu përgjigjet pyetjeve.

Pasi Balje dhe Gjinovci i përgjigjen disa pyetjeve, ky i fundit i thotë sërish asaj që të largohen dhe përfundojnë konferencën.

Shikoni videon më poshtë nga minuta 3:00./Arbresh.info

Komisioni për të Drejtat Njeriut, Barazi Gjinore, për Persona të Pagjetur dhe Peticione i Kuvendit të Republikës së Kosovës, takohet me zyrtarët e Agjencisë së Ushqimit dhe Veterinarisë, lidhur me aferën e importit të mishit në Kosovë.

Posted by Arbresh.info on Dienstag, 27. März 2018

 

Shpërndaje në rrjete sociale