Parlamenti “mbronë” Devollët, dështon sërish heqja e homologimit të veturave

11:15 | 29 Tetor 2020

Ka dështuar sërish ndryshimi i ligjit për Automjete, me të cilën do të hiqej homologimi i veturave, raporton Gazeta Express.

Me 32 vota pro, asnjë kundër dhe asnjë abstenim, nuk ka arritur të kalojë ndryshimi i ligjit për automjete, në mungesë të kuorumit.

Ndryshimi i këtij ligji, i propozuar nga deputeti i Lëvizjes Vetëvendosje, Hekuran Murati, do të hiqte homologimin e veturave që vijnë nga jashtë Kosovës.

Për kontrollimin e veturave që vijnë nga jashtë e që shteti i ka dhënë gjithmonë licencë vetëm komapnisë QAK – Eurolab, në pronësi të Shkelqim Devollit, Homologimi është konsideruar edhe nga Bashkimi Evropian si i panevojshëm.

Plotësim ndryshimi i ligjit për Automjete ka dalë edhe herë tjera në votim, por ka dështuar. Gjatë debatit parlamentar për këtë propozim partitë e koalicionit qeverisës, LDK, AAK e Nisma kanë qenë kundër. As PDK’ja nuk e ka përkrahur kalimin e ndryshimeve të ligjit.

Pro kanë dalë publikisht dy deputetët e AAK’së, Bekë Berisha e Donika Kadaj – Bujupi.

Shpërndaje në rrjete sociale

Lajmet më të lexuara