Zbulohet liqeni në fund të kraterit vullkanik, aty më nuk ka llavë – temperatura e ujit është 70 gradë celsius

17:07 | 7 Gusht 2019

Hulumtuesit amerikan të Institutit Gjeologjik kanë zbuluar një liqen në fund të kraterit të vullkanit më aktiv në Havai, që është një zbulim paksa i pazakontë.

Vullkani Kilauea e ngroh shumë ujin e liqenit në krater që më herët ishte llava, kurse temperaturat e ujit aty sillet rreth 70 gradë celsius, transmeton Telegrafi.

Llava në krater është zhdukur gjatë vitit të kaluar, kur Kilauea për herë të parë ndaloi së shpërthyeri pas më shumë se 30 vite.

Në anën tjetër gjeologu Matt Patrick ka deklaruar se është vështirë të përcaktohet se sa thellë është, pasi që një sasi e madhe e gazit vazhdimisht shpërthen dhe del në sipërfaqe.

Megjithatë hulumtuesit besojnë se kjo zonë vazhdon të jetë e rrezikshme për shkak të gazit dhe rreziqeve tjera që mund të paraqiten. /Telegrafi/

Shpërndaje në rrjete sociale

Lajmet më të lexuara