Qyteti suedez kërkon licencë nga lypësit në rrugë

21:46 | 6 Gusht 2019

Një qytet suedez është bërë i pari në vend që ka prezantuar një leje zyrtare për lypje, duke kërkuar nga kushdo që kërkon para në rrugë të paguajë 250 SEK (rreth 23 euro) për një licencë.

Sipas mediave të huaja, përcjell Telegrafi, e vlefshme për tre muaj, leja mund të merret duke plotësuar një formular në internet ose në një stacion policie dhe kërkon një ID të vlefshme.

Në të kundërtën, çdokush që gjendet duke lypur para në Eskilstuna, në perëndim të Stokholmit, do të përballet me gjobë deri në 4,000 SEK (rreth 370 euro).

Jimmy Jansson, një këshilltar lokal i Social Demokratëve, tha se skema, e cila hyri në fuqi më 1 gusht pas gati një viti vonesash ligjore, kishte për qëllim “burokratizimin” duke u lutur të “bëjë më të vështirë” për njerëzit të kërkojnë para.

“Do të shohim se si do të shkojë kjo”, u ka thënë Jansson mediave lokale, duke shtuar se sistemi i lejeve duhet të ndihmojë që personat e pastrehë dhe njerëzit e tjerë të prekshëm të kontaktojnë me autoritetin vendor, veçanërisht shërbimet sociale.

Shpërndaje në rrjete sociale

Lajmet më të lexuara