Personat obezë ka gjasa që të kenë trurin më të vogël

11:36 | 10 Janar 2019

Një studim i fundit ka gjetur një lidhje të mundshme mes yndyrës trupore dhe tkurrjes të trurit.

Hulumtuesit shikuan një total prej 9,652 personash me një moshë mesatare prej 55. Nga i gjithë grupi, 19 për qind ishin obezë sipas indeksit të tyre të trupit (BMI), një matje e cila lidhet me peshën dhe lartësinë, transmeton portali arbresh.info

Shkencëtarët kanë gjetur se personat obezë kishin vëllim më të ulët të trurit, në krahasim me personat e dobët.

Vëllimi më i ulët i trurit, i parë në 1,291 pjesëmarrës, ishte 786 centimetra kub.

Kjo ishte dukshëm më e ulët se 798 centimetra kub të parë në 3.000 njerëz me “peshë të shëndetshme”.

“Studimi ka lidhur ngushtimin e trurit me rënien e kujtesës dhe me rrezikun e lartë të mendurisë, por kërkimi mbi nëse yndyra shtesë e trupit është mbrojtëse apo e dëmshme për madhësinë e trurit ka qenë e papërfunduar”, tha Mark Hamer, nga Universiteti Loughborough.

Ai ka shtuar se studimi lidhej me një grup të madh njerëzish dhe gjëti që obeziteti mund të ndikojë në tkurrjen e trurit.

Megjithatë ai ka shtuar se është e paqartë nëse obeziteti mund të dërgojë drejt anomalive të strukturës së trurit ose anasjelltas.

Studimi u botua në revistën Neuorologji./arbresh.info/

Shpërndaje në rrjete sociale

Lajmet më të lexuara