Lypësja që u pasurua nga ajo që gjeti në mbeturina

21:51 | 11 Janar 2019

Cleonice Bento, e cila mbijetonte duke mbledhur gjëra të riciklueshme në deponinë e plehrave në Brazil, i ka buzëqeshur fati.

Një ditë, duke gërmuar mes mbetjeve urbane, ajo gjeti një gjerdan të artë. Bëhej fjalë për një bizhuteri të vjetër dhe shumë të kushtueshme.

Ajo ishte dita më me fat e jetës së Cleonice Bento. Gruaja e tregoi historinë për BBC-në, duke thënë se me shitjen e gjerdanit, arriti që të blinte një shtëpi dy-katëshe dhe i lejoi vetes që të bënte disa pushime të gjata.

Sapo kthehet në ‘punë’, fati i buzëqesh sërish. Brenda një tubi ajo gjeti disa kartëmonedha. I numëroi dhe në total ishin 21 mijë dollarë.

“Mora një kartëmonedhë prej 100 dollarësh e ia dërgova bankës, për të verifikuar nëse bëhej fjalë për para të vërteta. Ata më thanë që nuk ishin të falsifikuara”,ka treguar Bento për BBC-në.

Shpërndaje në rrjete sociale