Tregimi për gjumin e vdekjes

21:22 | 10 Korrik 2018

Poezi nga: Xhevdet Bajraj

Kur u ndërpre ëndrra e keqe e luftës në qiell
Zoti i sapo zgjuar nga gjumi
e ndezi TV-në
dhe e pa një grua në tokë
duke bërë dashuri
me sëpatën e ngulur në kokë
në bishtin e së cilës shkruante:
Bac u kry

Pas nëntë muajve
trupi i saj lindi lule binjake
gjembat ishin vaji i tyre i parë
lulet ishin vaji i tyre i fundit

Shpërndaje në rrjete sociale