Rock grupi suedez “Madman’s Choice” këndon “Xhamadani vija vija” në Rahovec

23:58 | 12 Shtatorë 2018

Grupi suedez i rockut ka kënduar shqip në festivalin e vjeljes së rrushit në Rahovec.

Bëhet fjalë për grupin “Madman’s Choice” , të cilët surprizuan publikun me këngën e njohur “Xhamadani vija vija”.

Sipas vokalistit të grupit, surpriza për publikun u përgatit si një shenjë mirënjohje për ftesën e dytë që grupi kishte marrë për të vizituar Kosovën.

Qëllimi i festës së vjeljes së rrushit, është promovimi i rajonit vreshtar të luginës së Rahovecit dhe trashëgimisë shpirtërore dhe kulturore të kësaj komune.

Gjithashtu, Hardh Fest ka për qëllim të ruajë traditat dhe zakonet e lidhura me vreshtarinë, verën dhe etnologjinë, promovimin dhe fuqizimin e bashkëpunimit dhe lidhjeve, në të gjithë zinxhirin prodhues, si dhe mundësi për promovimin e turizmit rural të Komunës së Rahovecit në Kosovë, rajon dhe mbarë botën.

Hardh Fest është festivali i vjeljes së rrushit që zhvillohet në Rahovec dhe është mbajtur për tre ditë rresht më 7,8 dhe 9 shtator.

HFTV

O sa e madhe âsht Shqypnia! 👐🏽🇦🇱🇽🇰HardhFesti rikujton këtë moment Kuq e Zi nga rock grupi suedez, Madmans Choice, të cilën na rrënqethën 👏🏽Sa të mëdhenjë jeni ju, njerëzit e HardhFestit 🙏🏽#Xhamadani #MadmansChoice #Higlights #HFTV

Publiée par Hardh Fest sur Mardi 11 septembre 2018

Shpërndaje në rrjete sociale