Shtrati ishte tepër i rëndë për ta lëvizur, transportuesit befasohen kur gjetën në të përplot revista pornografike

23:22 | 4 Tetorë 2018

Transportuesit e angazhuar të largonin orenditë e një shtëpie të vjetër në Somerset të Anglisë, e patën të pamundur ta lëvizin një shtrat misterioz dhe vendosën të kontrollojnë, se çfarë ka brenda.

Ata mbetën të habitur, kur e kuptuan se është mbushur përplot me revista pornografike, të mbledhura që nga vitet e 60-ta, transmeton Telegrafi.

Karl Horler dhe kolegët e tij, u desh t’ia largonin dy dollapë anash shtratit, por sërish e kishin të pamundur ta ngrinin lart.

Horler me magazinat që i gjeti në shtrat

“Me të hequr dyshekun, gjetëm revistat e panumërta që ishin vënë me kujdes njëra mbi tjetrën. Nuk e dimë se kujt i përkasin”, ka thënë Horler.

Pasi koleksioni nuk ka pronar e as trashëgimtar, planifikohet që magazinat që datojnë prej vitit 1960 deri më 2010, të vendosen për shitje në internet dhe grupi i punëtorëve, t’i ndajnë të ardhurat së bashku. /Telegrafi/

Shpërndaje në rrjete sociale