Djali padit prindërit: Nuk kanë kërkuar pëlqimin tim nëse dua të vi në këtë botë

20:47 | 4 Shkurt 2019

Një djalë 27-vjeçar ka paditur prindërit e tij, pasi sipas tij ata nuk e kanë marrë pëlqimin e tij nëse do të dëshironte ose të vinte në këtë botë.

Djali nga India, besohet se është bërë pjesë e sektit “pa fëmijë”, të cilët besojnë se fëmijët nuk duhet të vuajnë gjatë jetës së tyrë, prandaj edhe nuk duhet të sillen në këtë botë, transmeton portali arbresh.info

Ai beson se prindërit nuk kanë të drejtë të lindin një fëmijë, nëse ai/ajo nuk bie dakord, përderisa vetë ka paditur prindërit që e kanë sjellur në jetë pa lejen e tij.

Çuditërisht, ai pretendon se ka një “marrëdhënie të shkëlqyeshme” me prindërit e tij.

“Unë dua t’u tregoj të gjithë fëmijëve indianë se ata nuk ju detyrohen aspak prindërve të tyre”, citohet të ketë thënë ai për mediat lokale.

Ndër të tjera ai shton se prindërit i detyrohen fëmijëve, pasi janë këta të fundit që u sjellin gëzim atyre dhe jo anasjelltas./arbresh.info/

 

Shpërndaje në rrjete sociale