Rezerva Federale ul normat e interesit për të tretën herë brenda vitit

09:42 | 31 Tetor 2019

Rezerva Federale e Shteteve të Bashkuara të Amerikës uli normat e interesit me 25 pikë bazë në mes të një ngadalësimi të mëtejshëm të rritjes ekonomike.

Kjo është ulja e tretë e bankës qendrore këtë vit.

“Jemi të angazhuar për të marrë vendime më të mira bazuar në fakte dhe analiza objektive. Sot, vendosëm të ulim normat e interesit për herë të tretë këtë vit. E morëm këtë hap për të ndihmuar ekonominë amerikane të qëndrojë e fortë në përballjen me zhvillimet globale dhe për të ofruar disa siguri kundër rreziqeve aktuale”, tha kryetari i Rezervës, Jerome Powell, përcjell Telegrafi.

Komiteti Federal i Tregut të Hapur uli objektivin për normën e fondeve federale në një interval prej 1.5 për qind në mbi 1.75 për qind.

Powell tha se ndërsa Komiteti mendon për ecurinë në të ardhmen të objektivit të synuar të nivelit të fondeve federale, banka do të vazhdojë të monitorojë ndërhyrjet e informacionit që vijnë për perspektivën ekonomike dhe do të veprojë si ta shohë të përshtatshme për të mbështetur zgjerimin.

Ekonomia amerikane u zgjerua me një normë vjetore prej 1.9 për qind në tremujorin e tretë të vitit, pak më e ulët se niveli i rritjes prej 2 për qind në tremujorin e dytë.

Kjo shënon një ngadalësim të mëtejshëm nga niveli i tremujorit të parë prej 3.1 për qind.

Shpërndaje në rrjete sociale

Lajmet më të lexuara