Lagarde: Ne kemi kaluar më të keqen nga pandemia COVID-19, rimëkëmbja ekonomike do të jetë e pabarabartë

08:46 | 29 Qershor 2020

Eurozona “ndoshta e ka kaluar” më të keqen e krizës ekonomike të shkaktuar nga pandemia COVID-19, por rimëkëmbja do të jetë e pabarabartë.

Kështu ka deklaruar presidentja e Bankës Qendrore Evropiane, Christine Lagarde, përcjell Telegrafi.

Ndërsa frika e një valë të dytë ka tronditur investitorët dhe publikun e gjerë në të gjithë botën, Lagarde u bëri thirrje autoriteteve të përdorin “armëpushimin” e ofruar aktualisht nga virusi, për t’u përgatitur.

“Ne ndoshta kemi kaluar pikën më të ulët dhe them se me njëfarë drithërime, natyrisht mund të ketë një valë të dytë të rëndë”, tha ajo.

Lagarde paralajmëroi se rikuperimi do të ishte “i pabarabartë”, “i paplotë” dhe “transformues”, që do të thotë që disa kompani, në industri të tilla si ato të udhëtimeve ajrore dhe të argëtimit nuk do të rimëkëmben kurrë, ndërsa disa të tjera do të dalin më të forta.

Shpërndaje në rrjete sociale

Lajmet më të lexuara